Сумын ИТХ-ын зорилго, зорилт

           Нутгийн өөрөө удирдах байгууллагын хуулиар олгогдсон чиг үүргийг хэрэгжүүлэх, төлөвшүүлэх, нийгэм эдийн засгийн тулгамдсан асуудлуудыг шийдвэрлэх, төлөөлөгчдийг чадваржуулах, үүрэг хариуцлагыг өндөржүүлэх, иргэд олон нийтийн оролцоог хангах, эрх ашгийг хамгаалах, орон нутгийн хөгжлийн бодлогыг зөв тодорхойлож, хэрэгжилтийг хангуулах замаар хөгжил дэвшилд хүрэх.

               Сумын иргэдийн Төлөөлөгчдийн Хурал нь Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль болон бусад хууль тогтоомжоор олгогдсон чиг үүргийг бүрэн хэрэгжүүлэх хүрээнд иргэдийн Төлөөлөгчдийн Хурал бүрэн эрхийн хугацаанд батлан гаргах бодлого шийдвэртээ орон нутгийнхаа давуу талд түшиглэн аялал жуучлал, байгалийн баялаг, мод модон бүтээгдэхүүн, хөдөө аж ахуйн талаар иргэдийн санаачилгыг тусган, ажил хэрэгч оролцоог хангах, тэдний эрх ашиг, хүсэл сонирхолд нийцсэн, хувь хүний болон ногоон хөгжлийг дэмжсэн бодлого баримтлан, хэрэгжилтийг ханган сумандаа сайхан амьдрах нөхцөл боломжийг тусган ажиллах зорилтыг хэрэгжүүлэн ажиллаж байна.

• АЛСЫН ХАРАА: Сумын иргэдийн Төлөөлөгчдийн Хурлын байгууллага нь: Орон нутгийнхаа онцлог давуу талд түшиглэн байгалийн баялаг, мал сүрэг, иргэдийнхээ оюуны үнэт зүйл, бүтээлч хөдөлмөр дээр тулгуурлан хөгжиж, "Бүс нутгийнхаа хөгжлийн төв болох" эрхэм зорилго бүхий тэргүүлэх сум болох

СТРАТЕГИЙН ЗОРИЛГО:

• Нутгийн өөрөө удирдах ёсны байгууллагыг хөгжүүлэх 
• Төлөөлөгчдөд сургалт, мэргэжил арга зүйн дэмжлэг үзүүлэх замаар төлөөллийн болон хяналтын чиг үүрэг хэрэгжүүлэх
• Багийн иргэдийн Нийтийн Хурал,  иргэдийн Төлөөлөгчдийн Хурлын хороодын ажиллах нөхцөл, бололцоогоор хангаж сургалт, мэргэжил, арга зүйн дэмжлэг үзүүлж үйл ажиллагааны үр дүнг сайжруулах
• Сумын нийгэм, эдийн засаг, байгаль орчныг хөгжүүлэх
• Хяналт шалгалтыг сайжруулах